Внимание!
Эта страница из архивного сайта. Информация может быть не актуальной.
Адрес нового сайта -
http://krchet.cap.ru/
Хисеплĕ хĕрлĕчутайсем, ентешсем, тăвансем!
Çывхарса килекен асамлă уявсемпе Çĕнĕ çулпа тата Сурхурипе саламлатăп.
2009 çул историе кĕрет. Вăл кашнишĕн мĕнпе те пулин палăрса юлать. Ырă йăлапа, иртсе каякан çулăн юлашки саманчĕсенче, пулни – иртнине хак паратпăр, пĕтĕмлететпĕр, çĕнĕ тĕллевсем палăртатпăр. Районăн кашни çынни ĕçри тивĕçне тĕпе хурса тăрăшнипе çĕнĕ Ÿсĕмсемпе малалла утатпăр. Куллен хăйĕн таланчĕпе , ĕçĕпе, тапса тăракан вăйĕпе районăн социаллă тата экономикăпа çыхăннă пурнăçне çĕклессишĕн ĕçлекен ентешсене чун - чĕререн тав тăвас килет. Вĕсен шутĕнче чи малтанах ветерансем, предприятисен ĕç коллективĕсем, вĕрентŸ, сывлăх, культура ĕçченĕсем, ял хуçалăх отраслĕнче тăрăшакансем, предпринимательсем.
Шанса тăратăп, кашни çыннăн, çемьен, районăн пуласлăхĕ йăлтах хамăртан, еплерех ĕçленинчен, пĕр – пĕрне ăнланма пĕлнинчен килет. Çĕнĕ çул кАçĕнче ачасем хăйсен ĕмĕтне шухăшласа хураççĕ. Пурнăçлаканĕсем, эпир, аслисем. Тăрăшуллăрах пулсан, кашни ĕмĕтех пурнăçланĕ.
Мĕн пур кăмăлтан, хисеплĕ ентешсем, уяв ячĕпе саламлатăп. Çĕнĕ çулта Сирĕн пурин те шухăш - ĕмĕтсем, тĕллевсем, пурнăçланччăр. Кашнин килĕнче ăнланупа тăнăçлăх пулччăр, ачасем савăнăç кŸччĕр, юлашсем шанчăклăхпа уйрăлса тăччăр. Çĕнĕ çитĕнŸсем, ăнăçу, ырлăх – сывлăх сунатăп.
Район пуçлăхĕ А.И.Криков