Поздравление главы Красночетайского района А.И.Крикова с Днем работников сельского хозяйства

Хисеплĕ ял хуçалăх ĕçченĕсем!

Сире районта иртекен ялхуçалăх отраслĕнче тăрăшакансен кунĕ ячĕпе саламлатăп.

Çĕр ĕçĕ ытти ĕçсемпе танлаштарсан йывăррисенчен пĕри шутланнă. Тырă пĕрчине хура çĕре хурса сĕтел çине çăкăр килсе  выртиччен çĕр ĕçченĕн чылай тăрăшмалла. Паха таварпа тивĕçтерессии – пысăк шанăç.  Яваплăха туйса, ĕçе чунтан юратса ĕçлесен кăна Ÿсĕмсем пулаççĕ. Çакнах манăн выльăх – чĕрлĕх ĕрчетекенсем пирки те калас килет. Вĕсем  ĕçчен те çаврăнăçуллă пулнипе  Ÿсĕм çулĕпе пыраççĕ. Патшалăх пулăшнипе хуçалăхсем ятарлă çĕнĕ йышши техника, оборудовани, ăратлă выльăх – чĕрлĕх  туянаççĕ.  

Ырăпа асăнас килет килти хушма хуçалăха ăнăçлă тытса пыракансем пирки. Ялта пурăнакансем çăмăллăхлă кредитсемпе усă кураççĕ. Çавна май патшалăха экологи тĕлĕшĕнчен таса çимĕç тавăраççĕ.

2009 çул – Чăвашенре çĕр ĕçченĕн çулталăкĕ. Кăçал ырми – канми  çĕре юратса ĕçленипе  аван çитĕнŸсемпе кĕрхи ĕçсене вĕçлерĕмĕр. Шанатăп,  аграрисем малашне те çитĕнŸсем тăвĕç.

Уяв ячĕпе пурне те çирĕп  сывлăх, вăй – хăват, тату пурнăç сунатăп.

Район пуçлăхĕ                                                                               А.Криков