Поздравление главы Красночетайского района А. Крикова с Татьяниным днём - студенческим праздником

Хисеплĕ студентсемпе вĕренекен çамрăксем!

Сире пурне те студентсен уявĕпе  тата çвяттуй Татьяна Кунĕ ячĕпе саламлатăп.

Вĕренекен çамрăк  çĕннине пĕлме ăнтăлакан, вăй – хăватпа тапса тăракан, пуласлăхшăн çунакан сăн – сăпачĕллĕ пулнă ялан . Эсир обществăлла пурнăçра активлă   пулни,   малашлăха ăнăçлă аталанма пулăшать. Аслă вĕренŸ заведенийĕсенче вĕреннĕ çулсем çĕнĕ пĕлŸллĕ пулма кăна мар,  пурнăç çулне суйласа илме пулăшаççĕ. Чи кирли – тĕрĕс çул – йĕр суйласа илни, ырă ĕçсемпе тăван ене çĕклени. Çавăнпа та паянхи çамрăксен анлă пĕлŸллĕ, пултаруллă  çирĕп йышăнусемлĕ пулмалла.

 Паянхи куна илсен, маттур çамрăксене республикăпа район  шайĕнче туллин хавхалантараççĕ.  Çулсерен ятарлă стипендисемпе, премисемпе тивĕтерни çакна аван çирĕплетсе парать. Ялсенче модельлĕ библиотекăсем ăнăçлă ĕçлеççĕ. Çитес вăхăтра модельлĕ культура çурчĕсем  хута кайĕç. Малалла вĕренме, ĕçлеме юратакан çамрăксем валли татах та  лайăх условисем туса пама тăрăшăпăр.

Шанатăп, паянхи студентсем малашлăхăн çирĕп тĕревĕ пулĕç. Уяв ячĕпе саламласа çирĕп çывлăх тата çĕнĕ çитĕнŸсем сунатăп.