Поздравление Главы администрации района В.Г. Орлова

Хаклă ентешĕмĕрсем,  хисеплĕ механизаторсемпе   çĕр ĕçченĕсем!

         Сире районта иртекен  ĕçпе юрă тата спорт уявĕ – Акатуй (Чавал) ячĕпе чун-чĕререн ăшшăн саламлатăп.
        Авалхи чăвашсен ырă йăли-йĕркисене тĕпе хурса, çулсеренех районта çурхи ака-суха  ĕçĕсем вĕçленсен -  пĕтĕмлетỹ тăватпăр, ĕçре уйрăмах палăрнисене чыслатпăр, район ĕçченĕсемпе пĕрле савăнатпăр. Кăçалхи çуракине те районти ял ĕçченĕсем лайăх вĕçлерĕç. Акă, «Аккозинский» ялхуçалăх пĕрлешĕвĕнче ĕçлекенсем çурхи ака-суха ĕçĕсене тăхăр кун хушшинче пысăк пахалăхпа вĕçлерĕç. «Победа», «Свобода»,»Путь Ильича», Коминтерн ячĕпе хисепленен  хуçалăхсенче  те ĕçсем кал-кал пычĕç.Шăпах çак хуçалăхсенче çулсеренех  тухăçлă тыр—пул пухса илеççĕ. Çурхи культурăсене акмалли лаптăксене, маларах палăртнинчен ытларах акса хăвартăмăр. Выльăх-чĕрлĕх отраслĕнче  вăй хуракансем те пысăк тăрăшуллăх кăтартаççĕ, продукци  туса илессине ỹстереççĕ.Промышленность предприятисенче ĕçлекенсен ĕçри хастарлăхĕ пасăк пулни те пире савăнтарать.
   Районăн социаллă инфраструктури те палăрмаллах малалла аталанать.Эсир, хисеплĕ район ĕçченĕсем, хастар та пултаруллă пулнăран районăмăр малалла аталанать, умри тĕллевсене пурнăçлассипе тăрăшса ĕçлеме çирĕп вăй-хăват парса пыратăр. Тавах сире пархатарлă ĕçĕрсемшĕн! Малашне те пĕрле пулса, районăмăрăн пуласлăхĕшĕн малалла талпăнса ĕçслессе шанса тăратăп.
   Уяв ячĕпе сире, хаклă çыннăмăрсем! Сире çирĕп сывлăх, иксĕлми телей, ăнăçу тату пурнăç сунатăп!

  Район администраци пуçлăхĕ                               В. Г. Орлов